Sacchidanand Prabhu ke anek rup hai,jis sadhak ne Hari ke jis rup ko dekha hai, vah unke usee rup ko janta hai.Yeh sare rup us ek hi bahrupiya Hari ke hai.
Loha jab ek bar Paras ko choo kar Sona ho jata hai,tab chahe use mittee ke bheetar rakho ya koode me fek do.Vah jaha rahega Sona hi rahega,loha na hoga . Isee prakar Jo Ishwar ko pa Chuka hai , vah bastee me rahe chahe jangle me, usko fir dag nahi lag sakta.
Ishwar ko prapt Kar lene par manushya ka aakar vahi rahta hai, parantu usse ashubh karma nahi hote.
Ishwar ka darshan kar lene par manushya fir jagat ke janjal me nahi parta ,Ishwar ko chhorkar ek kshan bhi use shanti nahi miltee, ek kshan bhi Ishwar ko chhordne me mratyu-kashta hota hai. Ishwar ke pass jane ke aneko upay hai. Sabhee dharma isee ke upay dikhla rahe hai.
Hey manushyo' tum sansar ki vastuo me bhoole huye ho,yah sab chhorkar jab tum Ishwar ke liye roouge,tab prabhu usee vakt akar tumhe god me utha lenge, Ishwar ko dekhna chahte ho to maya ko hata do.
Marne ke samay jaisa bhav hota hai, doosre janm me vaisee hi gati hotee hai.isliye jeevan bhar bhagwan ke smaran ki avasyakta hai,jisse mratyu ke samay keval bhagwan ki hi yad aye.
No comments:
Post a Comment